消息及報導

孕肚嘅大與小，又點會淨係得BB大細一個因素呢？

以下我地就列咗其他唔同嘅因素，畀大家參考。

遺傳因素 其實小朋友嘅成長係受遺傳因素同生長環境嘅雙重影響，而胎兒嘅大細就會先天性咁樣受到父母體型嘅影響。所以，當爸爸媽媽都係「高人一族」嘅時候，BB身型自然就會大啲，媽媽嘅肚望落都會大啲，相反，如果父母身型都係比較「的骰」，受遺傳影響，BB身型細啲，媽媽嗰肚望落都細啲啦！

身型問題 媽媽懷孕前，身型體質都唔一樣，咁懷孕後，身型以至係肚嘅大細，又點會一樣呢？而事實上，肚內部脂肪嘅多少會同我地個肚大細成正比。假設媽媽懷孕前比較苗條，內部脂肪量低，懷孕之後個肚都唔會好顯懷。相反，如果媽媽身型比較豐滿，內部脂肪量高，懷孕之後個肚望落都會大啲㗎！所以，即使BB大細可能差唔多，孕肚嘅大細都會因為媽媽身型而唔同㗎！

營養問題 相信營養係每個懷孕媽媽最關注嘅一樣野，不過，媽媽們唔使咁憂慮，以為自己個肚細就急住去進補。因為個肚細，唔代表BB唔夠營養㗎。有啲媽媽喺懷孕期間都會控制自己嘅飲食，均衡咁吸取所需嘅營養。喺咁嘅情況下，媽媽攝取嘅營養物質都會被BB吸收，而唔係媽媽本人吸收。所以，有啲媽媽即使喺懷孕期間唔係重好多，孕肚望落都比較細，BB都會好健康㗎！

因為每個媽媽都唔一樣，所以大家要記住：多補唔一定好，肚細亦唔一定差！媽媽們唔好因為自己肚比較細而貿貿然走去進補，除咗要食營養豐富嘅食物，滿足自己同BB所需嘅營養之外，同時都要避免攝入太多嘅熱量導致妊娠糖尿病等嘅問題啊！ 其實懷孕期間保持飲食均衡，有適量嘅身體活動，維持體重嘅適當增長係好重要㗎！而懷孕期間嘅體重增長，就要視乎媽媽自己本身懷孕前嘅體重指數 (BMI) 啦！

當然，以上嘅數字只係畀媽媽們嘅參考，媽媽們最好都係同自己嘅醫生多啲溝通，定時定候去覆診，等醫生可以了解你嘅情況。媽媽們唔好因為個肚細而急住去進補，亦都唔需要因為身型大變而急住修身，懷孕期間要以自己同BB嘅營養為重；懷孕後，可以每月飲10包紫金堂「極品紅棗茶」☕，紅棗可幫助媽媽補血、安神同埋養胎架。另外，紫金堂也提供坐月調理，分三個階段由代謝、修復到滋補，幫你恢復到懷孕前嘅最佳狀態。