消息及報導

餵母乳係媽媽同BB之間最親密嘅親子時間，睇住啊B食飽飽滿足嘅樣，如果可以我都想一路餵落去...相信呢個係好多母乳媽媽嘅心聲，無論之前遇到幾多挫折，一諗到自己可以畀BB最天然、豐富嘅營養就有堅持落去嘅動力！但係母乳營養係咪會隨著時間逐漸減少？母乳之路又到底可以行到幾遠？

其實母乳會隨時間而改變營養成分嚟配合BB嘅成長，好似免疫因子等係唔會因為時間而減少～依然足夠保護BB抵抗感染，幫助腦部器官發育！世衛建議媽媽可以以全母乳餵哺至BB 6個月大，之後慢慢加入適當嘅固體食物令BB可以補充更多營養，同時可以繼續餵哺母乳至兩歲或以上。所以理論上係冇一個硬性規定要求媽媽幾時斷奶每個BB同媽媽都有專屬自己步伐嘅一條母乳之路，媽媽可以自己同BB決定終點，而紫金堂會一路上都陪著媽媽一齊走過呢條母乳之路！